Showing posts with label Jacobite Church News. Show all posts
Showing posts with label Jacobite Church News. Show all posts

Saturday, September 2, 2023

സഭാ തർക്കം: സർക്കാരുമായി സഹകരിക്കുമെന്ന് യാക്കോബായ സഭ


പുത്തൻകുരിശ് മലങ്കര സഭാ തർക്കം പരിഹരിക്കാനുള്ള സം സ്ഥാന സർക്കാരിന്റെ ശ്രമങ്ങ ളോടു സഹകരിക്കുമെന്ന് യാ ക്കോബായ സഭ സുന്നഹദോസ്. സർക്കാർ കൊണ്ടുവന്ന സെമി ത്തേരി ബില്ലിലൂടെ യാക്കോ ബായ വിശ്വാസികളുടെ മൃതദേ ഹം സംസ്കരിക്കാൻ സാധിച്ചതിൽ നന്ദിയുണ്ട്. സഭാ തർക്കം പരിഹരിക്കാനും നീതി ഉറപ്പാക്കാനും സർക്കാർ ഇതുവരെ കൈക്കൊണ്ട നടപടികൾ വിസ്മരിക്കാനാകില്ല. നിയമ പരിഷ്കരണ കമ്മിഷൻ ശുപാർശ ചെയ്ത മലങ്കര ചർച്ച് ബിൽ സർക്കാർ നടപ്പാക്കുമെന്നാണ് സഭയുടെ വിശ്വാസം. തർക്കങ്ങളും വ്യവഹാരങ്ങളും അവസാനിപ്പിച്ച് സഹോദര സഭകളായി സഹവർത്തിത്വ ത്തോടെ മുന്നോട്ടു പോകാൻ സർക്കാർ കൈക്കൊള്ളുന്ന നടപടികളോടു സഹകരിക്കാൻ തീരുമാനിച്ചു.


ശേഷ്ഠ ബസേലിയോസ് തോ മസ് പ്രഥമൻ കാതോലിക്കാ ബാവായുടെ മെത്രാഭിഷേക സുവർണ ജൂബിലിയുടെ സമാപന സമ്മേളനത്തിൽ പങ്കെടുക്കാൻ കേരളത്തിലെത്തുന്ന പരിശുദ്ധ പാത്രിയർക്കീസ് ബാവായുടെ അപ്പോസ്തോലിക് സന്ദർശന ത്തിന്റെ ക്രമീകരണങ്ങൾ വിലയിരുത്തി. അടുത്ത വർഷം ഫെബ്രുവരി 4ന് പാത്രിയർക്കാ ദിനവും ശ്രേഷ്ഠ ബാവായുടെ മെത്രാഭി ഷേക ജൂബിലിയും സംയുക്തമായി ആഘോഷിക്കും.


ഭാരതത്തിന്റെ യശസ്സ് ചന്ദ നോളം ഉയർത്തിയ ഐഎസ്ആർഒ ചെയർമാൻ എസ്. സോമനാഥിനെയും സഹപ്രവർത്തകരെയും അഭിനന്ദിച്ചു. മെത്രാപ്പൊലീത്തൻ ട്രസ്റ്റി ജോസഫ് മാർ ഗ്രിഗോറിയോസ് അധ്യക്ഷതവഹിച്ചു. 

Share:

Sunday, June 11, 2023

19 വയസിൽ PhD നേടി മലയാളി ലോക റെക്കോർഡ് സൃഷ്ടിക്കുന്നു

 

കാലിഫോർണിയ : ലോകത്തെ ഏറ്റവും പ്രായം കുറഞ്ഞ പി എച് ഡി ക്കാരിൽ ഒരാളാവാൻ മലയാളി. 19 വയസ് മാത്രം പ്രായമുള്ള തനിഷ്‌ക് മാത്യു എബ്രഹാം ജൂൺ 15 ന് യൂണിവേഴ്സിറ്റി ഓഫ് കാലിഫോർണിയയിൽ നിന്നു ഡോക്ടറേറ്റ് ഏറ്റു  വാങ്ങും. 


യൂണിവേഴ്സിറ്റിയുടെ ഡേവിസ് വൈസ് പ്രൊവോസ്റ്റും ഡീനുമായ ജീൻ-പിയറി ഡെൽപ്ലാങ്ക് പറഞ്ഞു: "അസാമാന്യ നേട്ടമാണിത്. ഡോക്ടറൽ ബിരുദം തന്നെ അസാമാന്യ നേട്ടമാണ്. ഏബ്രഹാമിന്റെ കാര്യത്തിൽ ഇത്ര ഇളം പ്രായത്തിൽ ഈ നേട്ടമുണ്ടാക്കിയത് അവിശ്വസനീയമായി തോന്നുന്നു." 


ബയോമെഡിക്കൽ എഞ്ചിനിയറിങ്ങിൽ ഡോക്ടറേറ്റ് നേടുന്ന ഏബ്രഹാം മേയിൽ പറഞ്ഞു. "നാലു വർഷവും 8 മാസവും കഴിഞ്ഞു. അങ്ങിനെ ഞാൻ ഡോക്ടർ തനിഷ്‌ക്ക് മാത്യു ഏബ്രഹമായി. എന്റെ പ്രായം 19 വയസ്സ്. എന്റെ പി എച് ഡി വരുന്നു എന്നറിയിക്കാൻ വലിയ ആവേശമുണ്ട്." 


പി എച് ഡി നേടിയ കൗമാരക്കാരന്റെ അമ്മൂമ്മ ഡോക്ടർ തങ്കം മാത്യു (90 വയസ്സ്) ബിരുദദാന ചടങ്ങിൽ പങ്കെടുക്കുമ്പോൾ കൂട്ടായി ഏബ്രഹാമിന്റെ 17 വയസുള്ള സഹോദരി റ്റിയാറയും ഉണ്ടാവും. 1960 കളിൽ ആദ്യമായി പി എച് ഡി എടുത്ത ഇന്ത്യൻ വനിതാ മൃഗ ഡോക്ടറായിരുന്നു തങ്കം മാത്യു. 


പത്തു വയസിൽ ഹൈസ്കൂൾ പൂർത്തിയാക്കിയ ഏബ്രഹാം 14 വയസിൽ യു സി ഡേവിസിൽ നിന്നു എൻജിനിയറിങ് ബിരുദം എടുത്തിരുന്നു. അമ്മൂമ്മയെ പോലെ തനിക്ക് ആവേശം പകർന്ന അപ്പൂപ്പൻ ഡോക്ടർ സക്കറിയ മാത്യുവിനേയും ഏബ്രഹാം ഓർമിക്കുന്നു. ലോകം എ ഐ വിപ്ലവത്തിലാണെന്നും അതിന്റെ ഭാഗമായി തുടരാൻ  ആഗ്രഹിക്കുന്നുവെന്നും ഏബ്രഹാം പറയുന്നു.  


സാക്രമെന്റോയിൽ കുടിയേറ്റക്കാരായ മാതാപിതാക്കളുടെ മകനായി ജനിച്ച ഏബ്രഹാം രണ്ടു വയസ് മുതൽ പഠനത്തിൽ ഏറെ താല്പര്യം കാട്ടിയെന്ന് സോഫ്റ്റ്‌വെയർ എൻജിനിയറായ പിതാവ് ബിജോയ് ഏബ്രഹാമും അമ്മ ഡോക്ടർ താജി ഏബ്രഹാമും പറയുന്നു. അവർ നൽകിയ പിന്തുണയാണ് തന്റെ നേട്ടങ്ങൾക്കു സഹായിച്ചതെന്ന് ഏബ്രഹാം ഓർമിക്കുന്നു. സ്വന്തമായ നിലയ്ക്കു നേട്ടങ്ങൾ കൈവരിക്കുന്ന സഹോദരിയുടെ പങ്കും വലുതായിരുന്നു.



ബിജുവിന്റെ പിതാവ് ശ്രീ വി പി ഏബ്രഹാം അയിരൂർ വടക്കേടത്ത് കുടുംബാംഗവും അമ്മ വടശേരിക്കര ചെറുകാട്ടു കുടുംബാംഗവുമാണ്. 1978 ൽ യുഎസിൽ എത്തിയ ബിജു ബ്രോങ്ക്സ്-യോങ്കേഴ്‌സിലാണ് വളർന്നത്. താജി ഏബ്രഹാമിന്റെ പിതാവ് ഡോക്ടർ സക്കറിയാ മാത്യു കുന്നംകുളം ചെറുവത്തൂർ കൊട്ടിലിൽ കുടുംബത്തിൽ നിന്നാണ്. അമ്മ തങ്കം മാത്യുവിന്റെ തറവാട് തൃശ്ശൂർ ജില്ലയിൽ തന്നെയുള്ള പുതുക്കാടാണ്.

Share:

Sunday, May 14, 2023

പ. കാതോലിക്കാ ബാവാ വിശുദ്ധ അൽഫോൻസാമ്മയുടെ കബറിടത്തിൽ


 


മലങ്കര ഓർത്തഡോക്സ് സഭയുടെ പരമാധ്യക്ഷൻ പ. ബസേലിയോസ് മാര്‍ത്തോമ്മാ മാത്യൂസ് തൃതീയൻ കാതോലിക്കാ ബാവാ
വിശുദ്ധ അൽഫോൻസാമ്മയുടെ കബറിടം സന്ദര്‍ശിച്ചു.  ആദ്യമായാണ് ഒരു ഓർത്തഡോക്സ് പരമാധ്യക്ഷൻ വിശുദ്ധ അൽഫോൻസാമ്മയുടെ കബറിടം സന്ദര്‍ശിക്കുന്നത്.

ഭരണങ്ങാനത്ത് എത്തിയ പ. കാതോലിക്കാ ബാവായെ പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട്, ബിഷപ്പ് ഇമെരിറ്റസ് മാർ ജോസഫ് പള്ളിക്കാപ്പറമ്പിൽ, ഗ്രേറ്റ് ബ്രിട്ടൻ രൂപതാധ്യക്ഷൻ മാർ ജോസഫ് സ്രാമ്പിക്കൽ, ഷംഷാബാദ് രൂപതാ സഹായ മെത്രാൻ മാർ ജോസഫ് കൊല്ലംപറമ്പിൽ എന്നിവരുടെ നേതൃത്വത്തിൽ സ്വീകരിച്ചു.

വിശുദ്ധർ ലോകത്തിന്റെ പൊതു സ്വത്താണെന്നു പരിശുദ്ധ ബാവാ പറഞ്ഞു. വിശുദ്ധന്മാരെ ആദരിക്കേണ്ടതു സമൂഹത്തിന്റെ ഉത്തരവാദിത്തമാണ്. ഇത്രയും തിന്മകൾ ലോകത്തുണ്ടായിട്ടും മനുഷ്യവർഗം നിലനിൽക്കുന്നതു വിശുദ്ധരുടെ പ്രാർഥനയും മധ്യസ്ഥതയും കൊണ്ടാണ്. വിശുദ്ധ അൽഫോൻസാമ്മ സഹനശക്തിയുടെയും സ്ഥിരോത്സാഹത്തിന്റെയും മാതൃകയാണ്, കഷ്ടതയെ വിശുദ്ധിയുടെ പരിമളമാക്കി അൽഫോൻസാമ്മ മാറ്റിയെന്നും പരിശുദ്ധ ബാവാ പറഞ്ഞു. വിശുദ്ധ അൽഫോൻസാമ്മയുടെ സ്മരണാർഥം ഫാമിലി കണക്ടി ന്റെ ആഭിമുഖ്യത്തിൽ ഓസ്ട്രേലി യൻ തപാൽ വകുപ്പ് പുറത്തിറക്കിയ സ്റ്റാംപിന്റെ പ്രകാശനവും പരിശുദ്ധ ബാവാ നിർവഹിച്ചു.

പ്രോട്ടോസിഞ്ചെല്ലൂസ് ഫാ. ജോസഫ് തടത്തിൽ, വികാരി ജനറൽമാരായ മോൺ. ജോസഫ് മേലേപ്പറമ്പിൽ, മോൺ. ജോസഫ് കണിയോടിക്കൽ, തീർഥാടനകേന്ദ്രം റെക്ടർ ഫാ. സെബാസ്റ്റ്യൻ വെട്ടുകല്ലേൽ, അഡ്മിനിസ്ട്രേറ്റർ ഫാ. ജോൺസൺ പുള്ളീറ്റ്, ഭരണങ്ങാനം സെന്റ് മേരീസ് ഫൊറോന പള്ളി വികാരി ഫാ. സക്കറിയാസ് ആട്ടപ്പാട്ട്, കെയർ ആൻഡ് ഷെയർ മാനേജിങ് ഡയറക്ടർ ഫാ.തോമസ് കുര്യൻ മരോട്ടിപ്പുഴ, ഡയറക്ടർ റോബർട്ട് കുര്യാക്കോസ് എന്നിവർ പങ്കെടുത്തു.

Share:

Monday, July 12, 2021

പ. കാതോലിക്കാ ബാവയുടെ വേര്‍പാടില്‍ രാഷ്ട്രപതി ബഹു. രാംനാഥ് കോവിന്ദ് അനുശോചനം രേഖപ്പെടുത്തി



പ. കാതോലിക്കാ ബാവയുടെ വേര്‍പാടില്‍ രാഷ്ട്രപതി ബഹു. രാംനാഥ് കോവിന്ദ് അനുശോചനം രേഖപ്പെടുത്തി
പാവപ്പെട്ടവര്‍ക്കും അശരണര്‍ക്കും സഹായം പകര്‍ന്നുകൊടുത്ത ജീവിതമായിരുന്നു പരിശുദ്ധ ബാവയുടേതെന്ന് അദ്ദേഹം അനുശോചന സന്ദേശത്തില് പറഞ്ഞു. സാമൂഹ്യനീതി സമത്വം സ്ത്രീ ശാക്തീകരണം എന്നിവയ്ക്കായി അക്ഷീണം യത്‌നിച്ചുവെന്നും അദ്ദേഹം അനുസ്മരിച്ചു.
Share: