രാജീവ് വടശ്ശേരി
രാജ്യം യുദ്ധരംഗത്തേക്ക് വലിച്ചിഴക്കപ്പെടുമ്പോൾ പ്രഥമ പരിഗണന കൊടുക്കേണ്ട വിഷയങ്ങളുടെ മുൻഗണനാക്രമം മാറിവരും. അഥവാ അതുവരെ മുൻഗണന കൊടുത്തിരുന്ന വിഷയങ്ങളുടെ ക്രമം മാറ്റേണ്ടിവരും. പിന്നീട് യുദ്ധവും അതുമായി ബന്ധപ്പെട്ട കാര്യങ്ങള്‍ക്കുമായിരിക്കും മുന്‍ഗണന; ജനങ്ങളുടെ സുരക്ഷിതത്വത്തിനും. എക്കാലത്തും ജനങ്ങളുടെ സുരക്ഷ തന്നെയാണ് പ്രധാനം.
യുദ്ധം തുടങ്ങിയാല്‍പിന്നെ ആവശ്യത്തിന് സൈനികരെ വിന്യസിക്കുക എന്നത് പ്രധാനമാണ്. അതുപോലെ തന്നെ പ്രധാനമാണ് അവര്‍ക്ക് ആവശ്യമായ ആയുധങ്ങള്‍ എത്തിച്ചു കൊടുക്കുക എന്നതും. അതോടൊപ്പം സപ്ലൈചെയിൻ മുറിഞ്ഞുപോകാതെ നോക്കുകയും വേണം. ഇതുമൂന്നും ശ്രദ്ധിച്ചില്ലങ്കിൽ പരാജയം പ്രതീക്ഷിക്കാം. ഒരു ബുദ്ധിയുള്ള ഭരണാധികാരി ഇത് ഉറപ്പു വരുത്തും. അതിനു വേണ്ടിവന്നാല്‍ മറ്റു നിര്‍മാണ പ്രവര്‍ത്തനങ്ങളോ ഒക്കെ നിർത്തിവയ്ക്കുകയും ചെയ്യേണ്ടി വരും.
ഒരു മഹാമാരിയോടുള്ള പോരാട്ടവും യുദ്ധം തന്നെയാണ്. അതു തുടങ്ങിയാൽ ആവശ്യത്തിന് ചികിത്സാ സൗകര്യങ്ങള്‍ ഒരുക്കുക, ഡോക്ടര്‍മാരേയും നേഴ്സുമാരേയും വിന്യസിക്കുക എന്നത് പ്രധാനമാണ്. അതോടൊപ്പം ആവശ്യമായ മരുന്നുകള്‍, വാക്സിൻ എന്നിവ എത്തിക്കുകയും വേണം.
നല്ല ഭരണാധികാരി സുരക്ഷയുടേയും വികസനത്തിന്റെയും കാര്യത്തില്‍ എല്ലാ സ്റ്റേറ്റിനും തുല്യ പങ്കാളിത്തം ഉറപ്പുവരുത്തും. അവിടെ തനിക്കിഷ്ടമുള്ള സര്‍ക്കാര്‍ ആണോ അധികാരത്തില്‍ എന്നൊന്നും നോക്കരുത്. ബുദ്ധിയുള്ളവർ രാജ്യത്തെ ഒന്നായി നിലനിര്‍ത്താന്‍ ശ്രമിക്കും. ഇത് ശ്രദ്ധിച്ചില്ലങ്കിൽ അധികാരം മാത്രമല്ല രാജ്യത്തിന്റെ നിലനിൽപുതന്നെ അപകടത്തില്‍ ആകും.
ഇതൊക്കെ ഞാനാണ് അധികാരത്തില്‍ എങ്കില്‍ ചെയ്യാന്‍ ആഗ്രഹിക്കുന്ന കാര്യങ്ങള്‍ ആണ്. അഥവാ എന്റെ കാഴ്ചപ്പാടുകള്‍ ആണ് വിയോജിക്കേണ്ടവർക്ക് അതാവാം.
